Turi-turin Sibayak Kuta Buluh (bagian 1)

by
Ilustrasi : lukisan "Sebuah desa di Karo (1913)." Pelukis Max Fleischer.
Ilustrasi : lukisan "Sebuah desa di Karo (1913)." Pelukis Max Fleischer.
Turi-turin Sibayak Kuta Buluh
Turi-turin Sibayak Kuta Buluh

Toeri-toerin Sibajak Koeta Boeloeh.

E, idilona anakna koe roemah. “Ena kai sabapna maka enggo koe roemah, bapa,” nina si Adjar Taki.

“Enda nipingkoe la mehoeli, gerekkoe la mehoeli; tah mate akoe; gelah kam koeadjarken” nina; “ngadjarken oekoemen, oekoemen i poelo Koeta Boeloeh enda, atoerenna pagi koe ginemgem.

Ola ipakë oekoem la mehoeli. Ipake kam pagi oekoem la mehoeli, tombang Koeta Boeloeh.

Oekoem manoek si indoeng-indoeng oekoem mehoeli; boelan pe anakna, ‘mbiring pe anakna, la ‘ndobah, ikeremkenna kerina.

Ola nipake oekoem kambing kalimeka, djanah idjoeloeng, djanah ipadit; di sisa bergehen, di ‘nterem, mokoepen. Em oekoemen kambing si kalimeka, ola ipake; oekoemen manoek si indoeng-indoeng e lah man paken.

Oekoemen kérbo si nangga loetoe, si la kesahna, merarak-araken, em oekoemen kerbo si nangga loetoe si la kesahna em man paken.

“Enda ka oekoemen bagi mekpek nipë ibas pagë medem: ipekpek nipë pë, ola matë, pertaka pë ola penggel, pagë pë ola mamboer, taneh ola tjëda.

Lit ka oekoemen si binteha, ngintjep arah ikoer, ngintjep arah takal, e ola ipakë.” Em adjarenna koe anakna.

“Enda enggo me tjibal oekoemen,” nina; “enda sada erbagë : ëmas pengkoeroeken Koeta Boeloeh ënda, lajo si Momo, lajo si Rentjah, kam ngaloken tjoekëna. Enggo pagi dat tjoekëna poeloeng ibas kam, ola atë keleng. I perteloe-baginna; atoerenna pagi baginna: senggoegoeng koe senina, sada koe anak-beroe, tading sada bandoe. Di pagi-.pagi ibin kam atoeren itetapken anak-beroe me ras senina koe anak boeah, mesaï me dalin koe djoema, mesaï me dalin koe djoema, mesaï me dalin koe laoe, i atoerkenna senina ras anak-beroe, sabap boedjoer ibahan kam atoeren emas; enggo me ‘ntegoeh bidë, enggo mesaï djoema,” nina.

“Tading senggoegoeng nari emas, e pepitoe, peratoerenna: sada koe sibajak Lingga, sada man pengoeloe Batoe Karang, sada man sibajak Koeala, sada man sibajak Perbesi, sada man ginemgem danak-danak ibas kesaïn, sada man diberoe ‘mbaloe-mbaloe E pë kenan tjoekë emas. Tading senggoegoeng nari bandoe, maka bantji itoekoerken gadoeng. Enggom ‘ntegoeh bidëndoe, djadi reh pagi kalak mego-, mbang, kalak nangko kerbo tah koeda, itastasna bidë, ibabaken pagi entah koe Lingga: “Kerbokoe benë, enda kam Lingga, ambati,” “tentoe pagi boedjoer sibajak Lingga sabap ia kenan tjoekë mas. Empak Batoe Karang pë pagi lawes pinangko,” “kerbokoe enda benë nina sibajak Koeta Boeloeh,” “tentoe labo ë benë iban pengoeloe Batoe Karang, perban ia kenan tjoekë mas. Em peratoerenna tjoekë mas man sibajak Lingga.”

“Enda man si medanak tjoekë emas pë kenan, djadi kam pepagi ngerana koe koeta kalak,” “oh, ota! sialo-alo sibajak Koeta Boeloeh ; koe koeta kalak ia roenggoe,” nina. “Sabap kai kam maka rêh ngalo-ngalo akoe?”” — “Oekoer kami ng’ënda sibajak neraja, sabap keleng atëndoe ngenehen kami, e maka kam ialo-alo kami.” “E, enggo bagë ‘ndai ngalo-ngalo ë, radja, temanna ngerana pë malang ngidah sibajak Koeta Boeloeh, sabap anak boeahna ngalo-ngalo i roemah nari, labo ia idilo, labo iseraja. Em sabapna malang radja kerina, sibajak Koeala, sibajak Lingga ngidah peratoerenna anak boeah sibajak Koeta Boeloeh. Enda sibajak Lingga la lit anak boeah ngalo-ngalo, sibajak Koeala pë la lit ; djadi sibajak Koeta Boeloeh kentja lit anak boeah ngalo-ngalo. E maka sabap terlebih akap radja sibajak Lingga, sibajak Koeala, sibajak Perbesi ngidah sibajak Koeta Boeloeh.” Em adjarenna koe anakna.

Ataoe empat berngi dekahna ia ngadjarken, matë me sibajak Koeta Boeloeh. Enggo, iboeatnam’koeda koe karangna, langnga terang oeari pë, iresakna me koe Batoe Karang. Sêh i Batoe Karang pë langnga kang terang, idahina pengoeloe Batoe Karang: “Oh, lampas kam pagi tjiger koe Koeta Boeloeh,” nina si Adjar Taki man pengoeloe Batoe Karang.

“Kai sabapna maka akoe rêh?” nina pengoeloe Batoe Karang.

“Oh, ranan si remang-aboe, la teroekoem bapa,” nina.

“Enggo bantji m’akoe rêh,” nina, “tjiger.”

“Akoe teroes kang ënda koe Koeala.”

Man sibajak Koeala pë bagë kang perkatanna. “Tjiger pagi sêh kam koe Koeta Boeloeh, sibajak Lingga!” bagë pë perkatanna ngata sibajak Lingga. E maka enggo erbalik moelih. Dapetna tjiger enggo moelih.

Radja pë enggo poeloeng kerina i Koeta Boeloeh, “Kai sabapna kita ënda poeloeng,” nina sibajak Koeala ngata sibajak Lingga, ngata sibajak Perbesi.

“Sabap ikataken si Adjar Taki ranan si remang-aboe, ëm sabapna akoe rêh,” nina sibajak Lingga ngata sibajak Koeala.

“Akoe pë ë sabapna,” nina sibajak Perbesi.

“Enggo ë me, ranan si remang-aboe la enggo koedengkeh,” nina sibajak Lingga ngata sibajak Koeala.

“Akoe pë, la enggo koeidah,” nina sibajak Koeala.

“Si lang kïn sendah me sidah,” nina sibajak Perbesi.

 

E make ia koe roemah, radja kerina, radja i darat nari. Dapetna lït djelma tangis i roemah.

Idjë poeloeng radja ka, arih-arih karina. “Oh, bapana matë kepëken, si Adjar Taki, ëm ranan, nina, si remang-aboe; itipoena kita,” nina sibajak Koeala; “akoe, di bapa matë nina si Adjar Taki, koebaba nge bedilkoe; ënda ranan si remang-aboe nina si Adjar Taki, ënda pertakina, megeloet kita karina” nina.

“Kari djoempa kita si Adjar Taki i roemah, oh nipoe kepëken kam, ertaki kepëken kam, Adjar Taki, ninta. Bapandoe matë, kataken kam ranan si remang-aboe, nindoe, ngata kami. Kai sabapna bagë kal perkatanndoe man kami radja, man sibajak Lingga, man sibajak koeala, man pengoeloe Batoe Karang,” nina radja ngata si Adjar Taki.

“Enggo toehoe bagë, nai koeataken toehoe ranan si remang-aboe ningkoe,” nina si Adjar Taki; “sabap adjar bapa moeatna mate: “ola pagi kataken: akoe mate man radja sibajak Lingga, maka ola ibabana bedil, oebat; idjenda idatkenna oebat bedil, la taloe kasakai bangkoe bedil” nina bapandoe sibajak Koeta Boeloeh. Lit nge atoerenna enggo me iatoerken bapa, sabap ia itehna bana matei Enggo e, lït pe bedil ‘ndai iatoerken bapandoe, megeloet nge akoe nindoe kam bapa karina, kam radja karina, pandang kesalahenkoe,” nina si Adjar Taki; ëm djabapna man radja karina, sibajak Lingga.

Enggo taloe radja erdjabap. “Di lït nge bedil, nina si Adjar Taki, iadjarken bapana, kasakai pë la nge taloe, lït nge nina, kai salahna kita beloeh mandang salahna? Akoe, la më akoe beloeh mandang salahna” nina sibajak Lingga.

“Kam pë Iang?” nina ngata sibajak Koeala. “Akoe pë la beloeh,” nina “mandang salahna, di lït nge bedil.”

Enggo ê maka ennggo taloe ia erdjabap ibahan sibajak Koeta Boeloeh. Di la kïn taloe ia erdjabap, ëm iëmona mïn Koeta Boeloeh, enggo rapat katana, kata radja karina. E langkahna taloe radja erdjabap.

“Koega pa perbahan si matë ah ‘ndai, ë lah siranaken,” nina naring.

“E, igendangi pitoe berngi,” nina si Adjar Taki ngata radja karina sibajak Lingga, ngata sibajak Koeala.

E maka igendangi pitoe berngi, dingen sora bedil meriah, ningen gendang pe meriah ipaloe, igendangi sibajak Koeta Boeloeh enggo matë. E maka iradjaken si Adjar Taki, sabap enggo bapana matë, iradjaken sibajak Lingga me, ras sibajak Koeala.

“Enggo maté sibajak Koeta Boeloeh; ënda me si Adjar Taki radja i Koeta Boeloeh nari,” nina radja karina ermomo.

Djadi, “langnga ia empo, ia mïn taroehken koe nandê ngoedana, toekoer-emas bapana ‘ndoebë,” nina radja.

Enggo bagë iradjaken moelih radja karina koe koetana.

 

E, tandë seboelan, tandë setahoen sibajak Koeta Boeloeh enggo matë, si Adjar Taki naring radja, ikoetna adjar bapana ‘ndoebë oékoemenna, peratoerenna. Em sabapna maka enggo oelïn si Adjar Taki, sabap adjaren bapa ‘ndoebë ikoetna. Tjian atë bapana, bapa ngoedana, si Gantjih Radja ngidah si Adjar Taki, iboenoehna atëna si Adjar Taki sabap enggo mehoeli ia, sabapna ia enggo radja. Akoe nge patoet djadi radja gantjih kaka-ng-koe si enggo matë. Em sabap atëna gila, maka iboenoeh si Adjar Taki nina bapa ngoedana erkata koe anak boeahna. Pedalin emas siratoes doea poeloeh.

“Isë këna ngasoep moenoehsa, siratoes doea poeloeh serpi oepah moenoehsa,” nina ngata simbisa kerina si pang moenoeh.

“Akoe më pang ngalosa,” nina simbisa, i gempanginam i dalin koe laoe; gempangi i dalin koe djoema.

E, soesoer si Adjar Taki koe kesaïn, idilo impalna koe roemah.

“Kai atëndoe maka akoe idilo kam?”

“Adah kalak moenoeh kam; ola nai kam koe djoema, ola koe lajo; siratoes doea poeloeh oepah kalak moenoeh kam.”

E, tangis sibajak Koeta Boeloeh, itangtangina badjoena, tangtang boelang-boelang, oeïsna kerina, iberëkenna man impalna, siberoe ‘Ndëdah Lagoena gelarna.

“Djadi, akoe la matë, embahken pagin boelangkoe, kampilkoe, o toerang!” nina si Ajar Taki ngata si ‘Ndëdah Lagoena.

“Oh, enggo terloemba,” nina bapa ngoedana ngata simbisa, “pinterkenlah koe roemah, koeteroeh karang,” nina.

Enggo dêm simbisa bapana iteroeh karang roemah, e soesoer me si Adjar Taki, la nai roeïs, oeïs pertja-pertja oeïsna, roepana pë niageng-agengna. Djadi, soesoer ia: “oh, ola boenoeh,” nina simbisa, “si mabo sadja si Adjar Taki ëna.”

Lepas si Adjar Taki la ia kenan boenoeh, enggo sêh ilepas bidë.

Inehen koe roemah, enggo soesoer si Adjar Taki ‘ndai. Oh, iajak koebas lateng, ibas lateng si moelo. Sada berngi ia la man, la minem si Adjar Taki. Dapetna terang oeari, lawes ia ‘ndarat, siberoe ‘Ndëdah Lagoena pë rêh i roemah nari, baba kampil, ras piso si Adjar Taki.

“E, koega pa ningkoe ertjakap si Adjar Taki, djelma ertoerang?”

Bagëm siarak-araken sirang-sirang selambar djoema ras si Adjar Taki.

“Idja pa kari djoempa djelma, arah ëdi koeberëken kampil sibajak Koeta Boeloeh,” nina beroe Ginting, beroe ‘Ndëdah Lagoena. Lalap la djoempa ras kalak.

 

Teroes si Adjar Taki koe Bintang Meriah, siberoe ‘Ndëdah Lagoena teroes koe tiga Bembem, djoempa ras toerang beroe Karo, anak sibajak Lingga, tergelar siberoe Reben.

“Kai atë këna ‘ndadë koe tiga teman?” nina siberoe Reben ngata siberoe ‘Ndëdah Lagoena.

“Noekoer benang gara,” nina.

“Dagi, ëta, sidarami,” nina beroe Karo. Toemboek tiga isiar-isiar, la lit djoempa benang mehoeli.

“Ah, koendoel kita, la lït, sekali nari,” nina toerang, beroe Ginting.

Djë man belo ia.

“Sendah metedeh m’atëkoe koe Bintang Meriah kita, o teman,” nina toerang, beroe Karo.

“Kai pë la loeahkoe man mama i Bintang Meriah; sekali nari kita ras, o teman,” nina beroe Ginting.

“Endang loeahta, tjimpa koedjoengdjoeng, galoeh pë lït, nakan pë lït, ia me oelih lako goeroe, ëm ‘ndai oepahna, ëm idjadiken man loeah këna man mama këna i Bintang Meriah, gelah ras kita sendah koe Bintang Meriah”.

E maka ia ras koe Bintang Meriah.

Erdalin ibas kendit Kinderan, idah si Adjar Taki idas oeroek-oeroek Goeng Daholi: “Oh si ngoeda-ngoeda djah kal ngë si ‘rdalin doea kalak, arah ëndalah ia idjemba-djemba bëgoe bapa, bëgoe nandë, maka akoe ertoetoer; man belo pë Iang akoe enda, man pë Iang, di ertoetoer akoe kari ë man silangen,” atë si Adjar Taki.

“Kai ng’ah ‘ndia, teman,” nina beroe Ginting, “ibas oeroek-oeroek Goeng Daholi?” “Tongkeh gia ningen, la lït djoema rabïn idatas; di djombing-djombing ningen gia, la lït djoema man boerön; ia, ipa-ipa ningen gia, la lït moesoeh. E, djelma, djelma koetera ngë “ndia?”

Bersambung ke Bahagian Kedua

 

Sumber : Toeri-toerin Karo, nipepoeloeng Toean M. Joustra, 1914