Menci ras Kucing

by
ilustrasi tikus dan kucing
ilustrasi tikus dan kucing

Maka ibas sada kuta lit sada kucing si mekelek nggit ngayak-ngayak menci tep-tep wari. Maka sikali djadi sangana kucing ndai lawes ku kuta si deban, maka ipepulung raja menci kerina rayatna, arih-arih ia kerina ntah uga ibahan, maka ola nai mesui ateta ibahan kucing, nina.

Maka reh nina sada menci si enggo metua janah pantas pe :

“Kuakap ulin min sitamaken sada genta ibas kerahung kucing ndai, maka adi enggo ndeher ia atena ngerigep kita, tentu minter terbegi me sora genta ndai, jenari maka kiam me kita,“ nina.

Maka kerina menci ngatakenca mehuli, tuhu bage ibahan, nina. Maka kenca mehuli bage, nina rayat menci kerina, nungkun raja menci ndai, nina bagenda :

“Ise dagena pang nggantungken genta ndia ibas kerahung kucing e?

Tapina sekalak pe la lit pang namakenca. Jadi la sahun namaken genta ndai ibas kerahung kucing.

Sumber :

Erbage-bage Toeri-toerin. Soerat Ogen Man Danak-danak Sikolah i Taneh Karo.

(Penggel si Pedoeakan)

Disusun oleh J.H.Neumann.

1915.